Грузия-online-ը տեղեկացնում է, որ Մալայզիայում ձերբակալված Վրաստանի քաղաքացի Բաբուցա Գորդաձեի ամուսինը ` Էլդար Դավիթիանին, դատապարտվել է 15 տարվա ազատազրկման: Նրան թմրանյութերի ապօրինի տեղափոխման մեղադրանք էր ներկայացվել:
Դատավարության ընթացքում նա հայտարարել է, որ իր կինը տեղյակ չի եղել թմրանյութերի մասին: Նշենք, որ Բաբուցա Գորդաձեի ուղեբեռում գտնված նկարների շրջանակներում թմրանյութ էր հայտնաբերվել:
Գորդաձեին Մալայզիայում մահապատիժ է սպառնում: Նրա դատավարությունը կայանալու է փետրվարի վերջին, և վրացական կողմը հույս ունի, որ մալայզիական դատարանը հաշվի կառնի վրացական դատարանի վճիռը և անմեղ կճանաչի կնոջը: