ԱՄՆ-ում առաջին անգամ հրապարակվում են հետախուզության վրա ծախսվող գումարների չափերը: CNN-ի փոխանցած տվյալներով, $53,1 մլրդ ծախսվել է ոչ ռազմական գործողությունների, այդ թվում` կենտրոնական հետախուզական գործակալության եւ այլ գործակալությունների վրա, ինչը 6%-ով ավելի է, քան մեկ տարի առաջ: Եվս $27 մլրդ ծախսվել է Պենտագոնի հետախուզական գործունեության վրա: Ամբողջ գումարը, փաստորեն, կազմել է $80 մլրդ: Այս մասին տեղեկացրել են ԱՄՆ կառավարության ներկայացուցիչները: Այս տարի առաջին անգամ այդ տվյալները հրապարակվում են: Օրինակ, ըստ այդ նույն տվյալների` 2009թ. ծախսվել է $75 մլրդ, իսկ 2008թ.` $47,5 մլրդ: ԱՄՆ ռազմական բյուջեն 2010թ. կազմել է $534 մլրդ, բայց ծախսերի կառուցվածքը զգալի փոփոխություն է կրել: Ավելի շատ գումար է հատկացվում «խելացի» զենքեր եւ զինատեսակներ արտադրելուն եւ կիրառելուն: