Coca-Cola և Pepsi ըմպելիքների արտադրությունում օգտագործվող արհեստական ներկանյութերը վտանգավոր են մարդու առողջության համար: Դրանց երկարատև օգտագործումը կարող է հանգեցնել օնկոլոգիական հիվանդությունների:
Ինչպես հաղորդում է NEWSru.com կայքը, այս եզրակացության են եկել Կալիֆոռնիայի համալսարանի փորձագետները:
Նրանք պարզել են, որ ներկանյութը, որը ըմպելիքներին հաղորդում է մուգ գույն, ստացվում է ամյակի և սուլֆատների հետ շաքարի ռեակցիայի արդյունքում, որի հետևանքով առաջանում են նաև այլ վտանգավոր նյութեր, ինչպիսիք են 2-MI-ն և 4-MI-ն: Այս նյութերը կարող են դառնալ թոքերի, լյարդի, վահանաձև գեղձի, ինչպես նաև արյան քաղցկեղի առաջացման պատճառ: Այս թեզն ապացուցվել է որոշակի հետազոտությունների արդյունքում:
Ըմպելիքներն արտադրող ընկերություններն այս տեղեկությունները դեռ չեն մեկնաբանել: Հետազոտության արդյունքներն ուղարկվել են նաև ԱՄՆ համապատասխան վերահսկիչ գերատեսչություններ:
