Business-Грузия-ի փոխանցմամբ՝ Թուրքմենստանի ծովային ու գետային տրանսպորտի պետական ծառայությունը սկսել է դիտարկել Փոթիի նավահանգստով հեղուկ գազի՝ դեպի Եվրոպա արտահանվելու հնարավորությունը:
Նշվում է, որ Թուրքմենստանի ծովային առևտրանավերը թուրքմենական հեղուկ գազը կհասցնեն Բաքու, իսկ այնտեղից էլ երկաթուղային տրանսպորտի միջոցով՝ դեպի Փոթի կամ Բաթում: Ապա թուրքմենական հեղուկ գազը ծովային ճանապարհով հասցվելու է ռումինական Կոնստանցա նավահանգիստ: Նույն սխեման կարող է կիրառվել բեռնարկղերով փոխադրվող թուրքմենական այլ ապրանքների պարագայում: