Պահեստային գեներալ-մայոր Վլադիմիր Կուժեևը, որն իբր սպանվել էր Սիրիայի ապստամբների կողմից, այսօր ՌԴ Պաշտպանության նախարարությունում հանդիպել է լրագրողների հետ և հերքել իր սպանության մասին լուրերը, հաղորդում է RIA Novosti-ն:
Ավելի վաղ Սիրիայի ազատ բանակի ներկայացուցիչը հայտնել էր, որ հատուկ գործողության արդյունքում իրենք սպանել են ռուս գեներալ Վլադիմիր Կոջիևին, որն իբր Սիրայի Պաշտպանության նախարարությունում և ռազմական հրամանատարությունում աշխատում էր որպես խորհրդական: Բացի այդ, ապստամբները հրապարակել էին գեներալի՝ Սիրիայում տրված անձը հաստատող փաստաթուղթը: Գեներալի սպանության հանգամանքները չէին հաղորդվում:
«Ես շնորհակալություն եմ հայտնում ԶԼՄ-ներին իմ համեստ անձի նկատմամբ ուշադրության համար: Զուտ մարդկային առումով ինձ տհաճ են Սիրիայում իբր իմ մահվան մասին լուրերր: Ինձ շատ անհանգստացնում է, որ այդ տեղեկությունը այդքան մեծ անհանգստության տեղիք է տվել իմ հարազատների, մերձավորների և ծանոթների շրջանում: Գործնականում այսօր կեսորից իմ հեռախոսը չի լռում»,- ասել է գեներալը:- Ցանկանում եմ հաստատել, որ ես ողջ և առողջ եմ, լիակատար առողջ վիճակում եմ և գտնվում եմ Մոսկվայում»:
Ավելի վաղ Սիրիայում Ռուսասատանի դեսպանատունը հայտարարել էր, որ նման ազգանունով գեներալ չկա:
