Грузия Online-ի փոխանցմամբ՝ ԵՄ-ը ավելի քան 118.590 եվրո է հատկացրել ոչ վաղ անցյալում Վրաստանի Կախեթի, Մցխեթի ու Ջավախքի շրջաններում բնական աղետից տուժած ընտանիքներին: Այս մասին նշված է Եվրահանձնաժողովի տարածած հայտարարության մեջ:
Գումարը հատկացվելու է բնական աղետների օգնության հատուկ հիմնադրամի միջոցով: Աղետից տուժածներին կհատկացվեն ծածկոցներ, հիգիենայի ու կենցաղային պարագաներ:
Հուլիսի 19-ին ուժգին քամին, տեղատարափ անձրևներն ու կարկուտը զգալի վնաս են պատճառել Վրաստանի արևելյան ու հարավային մի շարք շրջանների: Դրանից տուժել էր ավելի քան 20,000 ընտանիք: