Նավթամուղ Կիրկուկ-Ջեյհանը, որն իրաքյան նավթ է տեղափոխում Թուրքիայի տարածքով միջերկրածովյան նավահանգիստներ, պայթեցվել է թուրքական Մարդին գավառում: Այս մասին հաղորդում է APF-ն: Պայթյունի իրականացման մեջ կասկածում են քուրդ խռովարարներին:
Նախնական գնահատականների համաձայն` գրեթե հազար կիլոմետր երկարություն ունեցող նավթամուղի վերանորոգումը կտևի տասը օր:
Արտահանումն իրականացվելու է Ջեյհան նավահանգստի պաշարների հաշվին:
Այս խափանումն արդեն երկրորդն է վերջին ժամանակահատվածում: Հուլիսին նավթամուղը վնասվել էր հրդեհի պատճառով: Այդ ժամանակ խողովակով տեղափոխվում էր օրական 450-500 հզ բարել նավթ:
Հուլիսին Իրաքը նավթի վաճառքի արդյունքում աշխատել էր 7,5 մլրդ դոլար:
Բացի քուրդ-խռովարարներից՝ խողովակը վնասվել է նաև արաբ- սյունիների կողմից, որոնք Իրաքում պարտիզանական պայքար են մղում կառավարության դեմ:
