Այսօր ռուսական Независисмая газета թերթն ամփոփել է վերջին շրջանի իրադարձությունները Մերձավոր Արևելքում` փորձելով գտնել դրանց ակունքները:
Ռուսական պարբերականը նախ ներկայացրել է Բահրեյնում, Եմենում, Լիբիայում տեղի ունեցող վերջին օրերի իրադարձությունները, ինչպես նաև Թեհրանի բողոքի ակցիաներին, որոն նույնպես բուռն քննարկումների տեղիք են տվել: Թերթը նաև նշում է, որ Եգիպտոսում էլ այդուամենայնիվ չեն մարում կրքերը, և ողջ երկրի տարածքում շարունակվում են գործադուլները, այդ թվում համաշխարհային նշանակություն ունեցող Սուեզի ջրանցքի կառավարման ընկերությունում: Զինվորակաան իշխանությունը հայտնել է, որ այս պահին երկրի տնտեսական իրավիճակն այնպիսին չէ, որ հնարավորություն տա բարձրացնել աշխատավարձերը:
Независисмая газета-ն պատմել է նաև ԱՄՆ-ում այս հիմնախնդրի հետ տեղի ունեցող քննարկումների մասին, ուր ԱՄՆ նախագահին մեղադրում են մերձավորարևելյան իրադարձություններին համարժեք արձագանք ցույց չտալու և ցուցարարներին ակնհայտ աջակցության մասին հայտնելու համար: Սրան ի պատասխան` Սպիտակ տունը հայտարարել է, որ արդեն անցած տարվա կեսերին նախագահի աշխատակազմը ստացել է փորձագետների եզրակացությունը, և այդ իսկ պատճառով վերլուծելով իրադրությունը` եկել այն եզրակացության, որ որպեսզի ռեժիմները բիրտ ուժ չկիրառեն ժողովրդի դեմ, անհրաժեշտ է աջակցություն հայտնել ցուցարարներին:
Միաժամանակ Վաշինգտոնի Նիքսոնի կենտրոնի ղեկավար Դմիտրի Սայմսը կարծիք է հայտնել, որ Օբամայի և նրա վարչակազմի արձագանքը մերձավորարևելյան դեպքերին անհանգստության լուրջ ալիք է բարձրացրել այդ տարածաշրջանում Ամերիկայի դաշնակիցների մոտ: Ըստ Սայմսի, հավանաբար Օբաման ավելի մեծ ուշադրություն է դարձրել իր երիտասարդ խորհրդականների կարծիքին, որոնք ավելի իդեալիստ են, քան ավելի փորձառուները: բացի այդ, Սայմսն ասել է, որ հենց այն պատճառով, որ խոսք երկարամյա դաշնակցի մասին էր, ԱՄՆ-ի ղեկավարությունը կարող էր ձեռնպահ մնալ ցուցարարներին բացահայտ աջակցություն հայտնելու անհրաժեշտությունից:
Բացի այդ, Независисмая газета-ն նաև անդրադարձ է կատարել այն հարցին, թե իրականում ով է կանգնած այս հեղափոխությունների հետևում: Նա մեջբերել է The New York Times-ը, որը պատմել է մի մարդու մասին, որի գաղափարներն ընկած են թունիսյան և եգիպտոսյան հեղափոխությունների հիմքում: Ըստ ամերիկյան թերթի, խոսքը գնում է 83-ամյա Ջին Շարպի մասին, որը մի քանի տարի շարունակ ուսումնասիրում է ոչ բռնի հեղափոխությունների հնարավորությունն ընդդեմ բռնատիրական ռեժիմների:
Ըստ թերթի` Շարպի «Դիկտատաուրայից մինչև ժողովրդավարություն» գիրքը դարձել է Բիրմայի, Բոսնիայի, Սերբիայի, Էստոնիայի, Զիմբաբվեի, Իրանի, ինչպես նաև մերձավորարևելյան` ժողովրդավարության համար պայքարողների շրջանում, իսկ Իրանի, Մյանմայի և Վենեսուելայի իշխանությունները մեղադրում են Շարպին դավադրություններ կազմակերպելու մեջ: