Грузия Online-ի փոխանցմամբ՝ Վրաստանի Կենտրոնական ընտրական հանձնաժողովն ապահովելու է Աֆղանստանում գտնվող վրացի խաղաղապահների մասնակցությունը հոկտեմբերի 1-ին Վրաստանում կայանալիք խորհրդարանական ընտրություններին՝ համամասնական համակարգով:
Այդ նպատակով Աֆղանստանի Հիլմենդ նահանգում բացվելու է երկու ընտրատեղամաս, ուր ընտրությունների օրը կարող են քվեարկել Աֆղանստանում գտնվող վրացի խաղաղապահները: ԿԸՀ-ում բացվելու է 6 նոր աշխատատեղ, և նոր աշխատողները Աֆղանստանում կկատարեն ընտրական հանձնաժողովների դեր:
Հիշեցնենք, որ Վրաստանի խորհրդարանական ընտրություններին մասնակցելու համար ԿԸՀ-ին դիմել է 41 կուսակցություն, որոնցից ներկայիս դրությամբ ԿԸՀ-ն գրանցել է 19-ին:
