Բելառուսում Շվեդիայի դեսպան Ստեֆան Էրիքսոնը, ում հավատարմագրի ժամկետը Բելառուսի ԱԳՆ-ն չի երկարաձգել, հայտարարել է, որ բարեխղճորեն կատարել է իր դիվանագիտական պարտականությունները:
«Ես չէի ուզում այս իրավիճակում հայտնվել և ձեր գովասանքը կփոխեի Բելառուսում աշխատելու և ձեզ հանդիպելու հնարավորության հետ»,- դիվանագետի` Facebook-ի իր էջում կատարած գրառումներից մեջբերում են արել բելառուսական համացանցային լրատվամիջոցները:
«Ձեր աջակցությունը, անշուշտ, ինձ շատ է մխիթարում և ջերմացնում: Դժվար թե ես արժանի լինեմ ձեր գովասանքներին, քանի որ, վերջին հաշվով, իմ աշխատանքն եմ կատարել, որը շատ էի սիրում, և ձգտել եմ այն բարեխղճորեն կատարել»,- Interfax-ի հաղորդմամբ` գրել է Էրիքսոնը:
Ինչպես հաղորդել է ВЗГЛЯД թերթը, Բելառուսի ԱԳՆ մամլո քարտուղար Անդրեյ Սավինիխը ուրբաթ օրը հայտարարել էր շվեդ դեսպանի հավատարմագիրը չերկարաձգելու որոշման մասին:
