Լեհաստանի նախագահ Բրոնիսլավ Կոմորովսկին հանդես է եկել սեփական հակահրթիռային պաշտպանության համակարգեր կառուցելու նախաձեռնությամբ: Այդ մասին նա հայտարարել է իր հարցազրույցում:
Նախագահի խոսքերով` այդ համակարգը պետք է կարողանա պաշտպանել օդային հարձակումներից, իսկ ապագայում այն պետք է դառնա ՆԱՏՕ-ի բոլոր երկրների պաշտպանության վահան:
«Հիմա մենք հնացած համակարգեր ունենք, որոնք ավելի քիչ հնարավորություն ունեն երկիրը պաշտպանելու»,- ասել է երկրի ղեկավարը:
Նա վստահություն է հայտնել, որ դրանց թարմացման համար գումարներ ծախսելն անիմաստ է, քանի որ նրանք չեն պաշտպանում այնպիսի հարձակումներից, ինչպիսին են օդային և հրթիռային հարձակումները:
