ԱՄՆ-ի ոչ ավանդական կողմնորոշում ունեցողների միավորման ղեկավարը դատապարտել է արագ սննդի Chick-Fil-A ցանցի ղեկավար Դոն Քեթին՝ սեռական փոքրամասնությունների հասցեին կտրուկ արտահայտությունների համար:
Գործարար Քեթը կողմ է արտահայտվել ավանդական ընտանեկան արժեքներին՝ սեռական փոքրամասնությունների ներկայացուցիչներին անվանելով ամբարտավան: Նա հայտարարել է, որ համաձայն է միայն ընտանիքի բիբլիական սահմանմանը:
Ի պատասխան նման հայտարարության՝ նրա ռեստորանների մոտ ԱՄՆ-ի ողջ տարածքում սկսվել է «Գեյ-համբույրի օր» ակցիան:
Ակցիայի մասնակիցները ապահովել են հաճախորդների անկանխատեսելի մեծ հոսք, որպեսզի անձնակազմը չկարողանա հասցնել սպասարկել այցելուներին: Այս մասին հաղորդում է MIGnews-ը:
Միևնույն ժամանակ, ԱՄՆ նախագահի նախկին թեկնածուներ, հանրապետական Մայք Հակաբին և Ռիք Սանտորումը կոչ են արել համաքաղաքացիներին՝ աջակցել ռեստորանային ցանցին: Ի աջակցություն գործընկերների՝ հանդես են եկել արագ սննդի այլ ցանցեր նույնպես: Wendy’s արագ սննդի ցանցը նույնիսկ ցուցապաստառներ է փակցրել «Մենք աջակցում ենք Chick-Fil-A-ին » գրությամբ:
