Ինչպես փոխանցում է France Presse գործակալությունը, Լիբիայի Բենղազի քաղաքում երեկ զոհվել է 7 մարդ: Այստեղ արդեն մի քանի օր է՝ շարունակվում են բախումները ոստիկանության և բողոքի դուրս եկած հազարավոր լիբիացիների միջև:
Բացի Բենղազիից, «ցասման օրը» լիբիական մի շարք քաղաքներում նույնպես` Բևիդա, Ռիջբան, Դառնա և այլն, մարդիկ փողոց էին դուրս եկել: Թեպետ փողոցի ակցիաները համակարգվում են սոցիալական ցանցերի միջոցով, այդուհանդերձ, դրանք դժվար հասանելի են, քանի որ իշխանությունները Եգիպտոսի օրինակով փորձում են սահմանափակել ԶԼՄ-ների և ինտերնետի աշխատանքը:
Տեղի հեռուստատեսությամբ բացահայտ քարոզ է գնում ` ի պաշտպանություն երկրի գործող ղեկավար Մուամար Քադաֆիի: Ցուցադրվում են երթեր և ցույցեր, որոնք կազմակերպվում են ի պաշտպանություն Քադաֆիի:
Ընդդիմադիր ուժերը հայտնում են, որ ցույցերի ժամանակ արդեն զոհվել է 19 մարդ, ավելի քան 35 մարդ վիրավորվել է: Նրանք էլ շեշտում են, որ բախումների հիմնական կենտրոնը Բենղազի և Ալ-Բայդա քաղաքներն են: