Ադրբեջանում ԱՄՆ նորանշանակ դեսպան Մեթյու Բրայզան հայտարարել է, որ Վաշինգտոնն աջակցում է «Հարավային միջանցք» նախագծին,- տեղեկացնում է APA-ն:
«Նախագիծը Ադրբեջանին հնարավորություն կտա ավելի սերտ հարաբերություններ ունենալ Եվրոպայի հետ, իսկ եվրոպական երկրներին՝ դիվերսիֆիկացնել գազի առաքման ուղիները»,- ասել է Բրայզան:
Նա շեշտել է, որ Ադրբեջանում ԱՄՆ դեսպանատունը կշարունակի ջանքեր գործադրել նշված էներգետիկ նախագծի իրականացման համար:
Անդրադառնալով այս տարվա սկզբին նախատեսված ամերիկա-ադրբեջանական կոնսուլտացիաներին, Բրայզան հայտնել է, որ դրանք սկսվելու են շատ մոտ ապագայում և շատ կարևոր նշանակություն կունենան երկկողմ հարաբերությունների զարգացման համար: