«Մուսուլման եղբայրներ» միջազգային կազմակերպության Սիրիայի մասնաճյուղը սեփական զինված խմբավորում է ստեղծել, որը գործում է «Սիրիական ազատ բանակից» առանձին: Այն մինչ այժմ համարվում էր ընդդիմության գլխավոր զինված ուժը: Այս մասին հաղորդում է Daily Telegraph-ը` հղում անելով հակակառավարական ուժերի դաշտային հրամանատարներից մեկին:
«Զինված մուսուլման եղբայրներ» անվանումը ստացած խմբավորման ղեկավարներից մեկը, որ հայտնի է «Աբու Համզա» մականվամբ, հայտարարել է, որ կազմակերպությունը համագործակցում է Սիրիայի ազգային խորհրդի` երկրի ընդդիմության առաջատարի հետ, որի հենակետը Թուրքիայում է:
Խմբավորման մեկ այլ ներկայացուցիչ հայտարարել է, որ իրենք կապ չունեն Սիրիայի ազգային խորհրդի հետ:
«Պառակտումը ազդում է տեղում ծավալվող գործողությունների վրա. անհրաժեշտության դեպքում hակամարտող ընդդիմադիր զինված խմբավորումները համագործակցում են, սակայն հիմնականում միմյանց չեն ընդունում»,- գրում է պարբերականը` ընդգծելով, որ այդ խմբավորումները Ասադի` իշխանությունից հեռանալուց հետո Սիրիան ռազմադաշտի վերածելու հիմք են ստեղծում:
