ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբի ս.թ. փետրվարի 14-ի հրատապ հաշվետվությանն ի պատասխան
ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի 14.02.2011թ. հրատապ հաշվետվությանն ի պատասպան տեղեկացնում ենք, որ դատապարտյալ Նիկոլ Փաշինյանը ՀՀ ԱՆ «Արթիկ» քրեակատարողական հիմնարկ է տեղափոխվել 30.11.2010թ. և նշված քրեակատարողական հիմնարկում գտնվելու ընթացքում վերջինիս տրամադրվել է 19 տեսակցություն, որից 12-ը՝ փաստաբանների, 5-ը՝ ընտանիքի և 2-ը՝ Հայաuտանի Հանրապետության արդարադատության նախարարության քրեակատարողական հիմնարկներում և մարմիններում հաuարակական վերահuկողություն իրականացնող հաuարակական դիտորդների խմբի անդամների հետ:
2010թ. նոյեմբերի 30-ից մինչ օրս դատապարտյալը 6 անգամ օգտվել է հեռախոսազանգերի իրավունքից, Նշված ժամանակահատվածում դատապարտյալը ստացել է 14 հանձնուք: Դատապարտյալ Ն.Փաշինյանը նշված ժամանակահատվածում ստացել է նաև 29 ծրար և գրություն: Դատապարտյալը քրեակատարողական հիմնարկի վարչակազմին է հանձնել 14 դիմում (որոնցից մեկին կցված են եղել 8 ծրար) և 6 առանձին ծրար, որոնց ՀՀ օրենսդրությամբ սահմանված կարգով տրվել է համապատասխան ընթացք: Նշված դիմումներց 8-ը հասցեագրված են եղել քրեակատարողական հիմնարկի պետին, 2-ը՝ ՀՀ Վարչական դատարանին, 1-ը՝ ՀՀ արդարադատության նախարարին, 1-ը՝ ՀՀ ԱՆ քրեակատարողական վարչության պետին, 1-ը՝ ՀՀ Գլխավոր դատախազին և 1-ը՝ ՀՀ ԱՆ քրեակատարողական հիմնարկներում և մարմիններում հաuարակական վերահuկողություն իրականացնող հաuարակական դիտորդների խմբի նախագահ Ա.Սաքունցին:
ՀՀ ԱՆ «Արթիկ» քրեակատարողական հիմնարկից ստացված տեղեկության համաձայն` դատապարտյալ Ն.Փաշինյանն իր դիմումները և նամակները ոչ միշտ է հանձնում վարչակազմին, դրանք հավաքելով իր մոտ, սպասում է որ իրեն այցելեն ներպետական կամ միջազգային կազմակերպությունների ներկայացուցիչներ և միայն այդ ժամանակ է հանձնում դրանք, հայտարարելով, թե իբր ՀՀ ԱՆ «Արթիկ» քրեակատարողական հիմնարկի վարչակազմը չի վերցնում իր նամակներն ու դիմումները: Այսպիսով դատապարտյալը նպատակ է հետապնդում իր անձի շուրջ պատրանք ստեղծելու, թե իբր իր նկատմամբ ապօրինություններ են կատարվում: Նշված եզրահանգման համար հիմք է հանդիսացել դատապարտյալի կողմից 09.01.2011թ. և 20.01.2011թ. կատարած նմանատիպ գործողությունները:
Ինչպես արդեն նշվեց, մինչ 12.02.2011թ. դատապարտյալ Ն.Փաշինյանը դիմումներ ներկայացրել է վարչակազմին, որոնց օրենքով սահմանված կարգով ընթացք է տրվել, իսկ Ա.Սաքունցի այցելության օրը` 12.02.2011թ., Ն.Փաշինյանի դիմումների և նամակների գրանցման կամ դրանք ընդունելու մասին արձանագրություն կազմելու վերաբերյալ որևէ առաջարկ վերջիններիս կողմից չի եղել:
Նշվածը ևս մեկ անգամ փաստում է, որ թե Ա.Սաքունցը և թե դատապարտյալ Ն.Փաշինյանը փորձել են 14.02.2011թ. ՀՀ ԱՆ «Արթիկ» քրեակատարողական հիմնարկում նշանակված Քրեական Վերաքննիչ դատարանի դռնբաց դատական նիստում տպավորություն ստեղծել, թե իբր ՀՀ ԱՆ «Արթիկ» քրեակատարողական հիմնարկի վարչակազմը չի վերցնում դատապարտյալ Ն.Փաշինյանի նամակներն ու դիմումները:
Բացի այդ, հարկ է նկատել, որ Ա.Սաքունցը ՀՀ ԱՆ քրեակատարողական հիմնարկներում և մարմիններում հաuարակական վերահuկողություն իրականացնող հաuարակական դիտորդների խմբի նախագահ նշանակվելուց հետո երկու անգամ այցելել է ՀՀ ԱՆ «Արթիկ» քրեակատարողական հիմնարկ ոչ աշխատանքային օրերին և հանդիպել միայն դատապարտյալ Ն.Փաշինյանի հետ, մինչդեռ ՀՀ ԱՆ «Արթիկ» քրեակատարողական հիմնարկում պահվում են 400 և ավելի դատապարտյալներ և կալանավորված անձինք:
Այսպիսով, Հայաստանի Հանրապետության արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի հաշվետվությունն այն մասին, թե իբր «Արթիկ» քրեակատարողական հիմնարկում պահվող դատապարտյալ Ն.Փաշինյանի` արտաքին աշխարհի հետ շփման` նամակագրության և քրեակատարողական հիմնարկի վարչակազմի միջոցով դիմումների ներկայացման իրավունքը խախտվում է, չի համապատասխանում իրականությանը և հիմնազուրկ է:
Միաժամանակ հայտնում ենք, որ ՀՀ արդարադատության նախարարի կողմից տրվել է համապատասպան հանձնարարական` դիտորդական խմբի ներկայացուցիչների ներկայությամբ դատապարտյալից նամակներ չընդունելու մասին տեղեկության իսկությունը ստուգելու վերաբերյալ, որի արդյունքների մասին կտեղեկացվի լրացուցիչ:
Նկատենք նաև, որ ՀՀ ԱՆ քրեակատարողական հիմնարկներում և մարմիններում հասարակական վերահսկողության իրականացնող դիտորդական խմբի կողմից հրատապ հաշվետվությունը ՀՀ արդարադատության նախարարին է ուղարկվել ս.թ. փետրվարի 14-ին, մինչդեռ խմբի ղեկավար Ա.Սաքունցը այսօր լրատվամիջոցներին հայտնել է, թե իբր ՀՀ արդարադատության նախարարության կողմից եռօրյա ժանկետում չի ստացվել մեկնաբանություններ, այն դեպքում, երբ նշված եռօրյա ժամկետն է մինչև ս.թ. փետրվարի 17-ը ներառյալ:
ՀՀ արդարադատության նախարարի մամուլի քարտուղար Կ.Քալանթարյան