Երեկ` օգոստոսի 2-ին , ինքնասպանություն է տեղի ունեցել Կոտայքի մարզում: Ժամը 15.50 –ի սահմաններում Գառնի գյուղի իր տանը կախվելու միջոցով ինքնասպան է եղել 60-ամյա Բ.Բաբայանը:
Ֆոտոլրագրող Գագիկ Շամշյանը shamshyan.com-ին հայտնել է, որ դեպքի վայր են ժամանել Ոստիկանության Կոտայքի բաժնի և Ոստիկանության Գառնիի բաժանմունքի աշխատակիցները: Ինքնասպանության վայր ժամանած օպերատիվ-քննչական խումբը դեպքի վայրում հայտնաբերել է նամակ, որտեղ գրված է եղել, որ այդ քայլի համար ոչ ոքի չմեղադրեն:
Ոստիկանության քննչական գլխավոր վարչության Կոտայքի մարզի քննչական բաժնի Կոտայքի քննչական բաժանմունքում փաստի առթիվ նյութեր են նախապատրաստվում:
Քննիչի որոշմամբ, նշանակվել են մի շարք փորձաքննություններ, այդ թվում` հայտնաբերված նամակի առթիվ նշանակվել է ձեռագրաբանական փորձաքննություն` պարզելու համար հեղինակի ինքնությունը:
