Արժույթի միջազգային հիմնադրամը կանխատեսում է, որ Հայաստանի տնտեսությունը հաջորդ տարի ավելի լավ վիճակում կլինի, քան հարեւաններինը

Ինպես հաղորդում է Արժույթի միջազգային հիմնադրամը (ԱՄՀ), տնտեսական իրավիճակն այս տարի Կովկասում եւ Միջին Ասիայում բարելավվել է: ԱՄՀ` «Կովկասի եւ Միջին Ասիայի տարածաշրջանային տնտեսական զարգացման հեռանկարները զեկույցում», որն այսօր ներկայացվել է Ալմաթիում, ասվում է, որ տնտեսությունն նշված տարածաշրջանում աճել է 5.75%-ով, նախորդ` 2009թ. 3.5%-ի փոխարեն: Սրան նպաստել է ինչպես շատ կառավարությունների անցկացրած ֆինանսական խթանման ծրագրերը, այնպես էլ Ռուսաստանի տնտեսական աճը, որը նույնպես դրական ազդեցություն է ունեցել տարածաշրջանում տնտեսական իրավիճակի վրա: Նավթ եւ գազ արդյունահանող երկրները` Ադրբեջանն ու Թուրքմենստանը, այս տարի արձանագրել են համապատասխանաբար 4.5% եւ 9.5 % աճ, իսկ հաջորդ տարի նավթի գների այս տարվա տեմպերը պահպանելու դեպքում տնտեսական աճը նույն սահմաններում կլինի: Հայաստանն ու Վրաստանը այս տարի արձանագրել են համապատասխանաբար 4.0% եւ 5.5% աճ: Նշված տարածաշրջանում տնտեսական աճը հաջորդ տարի փոքր-ինչ կնվազի: Ըստ այդ, եթե այս տարի Հայաստանի ՀՆԱ-ն կաճի 4.0%-ով, ապա հաջորդ տարի 4.6%, Ադրբեջանի համար այդ ցուցանիշները կունենան հետեւայլ տեսքը` 4.3% եւ 1.8%, Վրաստան` 5.5% եւ 4.0%: