Ստոկհոլմից հարավ գտնվող Սյոդերտելյե բնակավայրում կայացվել է դատավճիռ այն գործի շրջանակում, որը հայտնի է որպես Շվեդիայում մաֆիայի դեմ հարուցված առաջին գործ:
Համաձայն ոստիկանության` խոսքը Սյոդերտելյեին քրեական շուկայի բաժանման ժամանակ առաջացած վեճի մասին է: Այս մասին հայտնում է ITAR-TASS-ը:
Բացի սպանությունից` գործի 20 ֆիգուրանտներ մեղադրվել են զենքի անօրիանական պահման , մարդկանց առևանգելու ու շանտաժի մեջ:
Խմբավորման 31-ամյա ղեկավարը դատապարտվել է ցմահ բանտարկության: 20 մեղադրյալներից 16-ն ստացել կես տարուց մինչև ցմահ բանտարկություն, 2-ը դատապարտվել են ազատազրկման անչափահասների գաղութում, ևս 2-ը արդարացվել են:
2009թ. Սյոդերըելյեում սպանվել էր տեղի «Բանդիդոս» բայքերական ակումբի անդամներից մեկը, 3 ամիս անց, ի պատասախան, կրակել էին «Բանդա Սյոդերտելյեի վրա»: 2010թ. անհայտ անձինք սպանել էին «Բանդիդոսին» համակրող երկու եղբայրների:
Խճճված գործը ամենազանգվածայինն էր Շվեդիայի պատմության մեջ Ուլոֆ Պալմեի սպանությունից հետո:
Մեղադրյալների կեսը, մինչ հետաքննության ավարտը, ճաղերի հետևում անցկացրել է մոտ 2 տարի:
Ոստիկանությունը պարզել է, որ խմբավորման շատ անդամներ ազգականներ են: Ինչպես գրում են տեղի ԶԼՄ-ները, կալանքից հետո ավելի շատ մեծ թեթևություն է զգացել ռեստորանային բիզնեսը, որի տերերը երկար ժամանակ ենթարկվել էին շանտաժի ու խաբեության մեջ: