«ժողովուրդ»-ի աղբյուրները փոխանցում են, որ երեկ Երևան-Աբովյան թիվ 261 երթուղու վարորդները գործադուլ էին հայտարարել:
«Նրանք դժգոհել են իրենց ստացած ցածր աշխատավարձից և աշխատանքային ոչ բարվոք պայմաններից: Տեղեկացնենք, որ երթուղին պատկանում է Աժ ԲՀԿ-ական պատգամավոր Հարություն Ղարագյոզյանին՝ Կարամելի Հարութին, որից էլ փորձեցինք ճշտել գործադուլի պատճառները: Սակայն պատգամավորն ասաց, որ ինքը Հայաստանում չէ և տեղյակ չէ, թե իրականում ինչ է կատարվել: Դիմեցինք երթուղին սպասարկող «Տիգրան» ՍՊԸ-ի տնօրեն Արայիկ Բեգանյանին, որը բացատրեց. «Նման բան չկա, մի ժամի չափ չեն աշխատել վարորդները, էդ էլ վերջնակետի տեղափոխման հետ էր կապված: Աշխատավարձի հարց չի եղել»:
Սակայն 261 երթուդու վարորդներից մեկը «ժողովուրդ»-ին հայտնեց, որ իրենք ժամանակավորապես համաձայնել են աշխատել, մինչև իրենց պահանջը կատարվի: Հակառակ դեպքում գործադուլ կանեն»:
