Ինդոնեզիական Մերապի հրաբխի ժայթքման պատճառով մի մեծ տարածաշրջանի սպառնում է տրանսպորտային կոլապս: Այնպես, ինչպես բոլորովին վերջերս դա տեղի ունեցավ Իսլանդիայում ժայթքած Էյյաֆյատլայոկուդլը հրաբխի պատճառով, երբ ամբողջ Եվրոպայի օդային տարածքը մի քանի շաբաթով փակ էր` ինքնաթիռներին սպառնացող մոխրի պատճառով:
Ինդոնեզիական Մերապին հիմա այն փուլում է, որ հնարավոր է մոտ ժամանակներում սկսվի մոխրի մեծ քանակների արտանետում, ինչի հետեւանքով փակվի Հնդկական օվկիոնոսին հարող ողջ օդային տարածքը` առաջացնելով տրասպորտային կոլապս:
Հիշեցնենք, որ Ինդոնեզիայում վերջին երկու օրը տեղի ունեցած արհավիրքների պատճառով արդեն զոհվել է 340 մարդ: Հազարավոր մարդիկ զրկվել են տներից եւ ապրուստից: