Եվրամիությունն առաջին անգամ կարող է բախվել լուրջ մրցակցի հետ: Եվրասիական միություն ստեղծելու Պուտինի գաղափարը ներուժ ունի, գրում է Ինոպրեսան:
Բեռլինյան Merkator հիմնադրամի աշխատակից Լիան Ֆիքսի կարծիքով՝ այդ գաղափարը սկզբում սկեպտիկորեն ընդունվեց, սակայն այն ներուժ ունի:
«Որոշիչ կլինի պուտինյան միություն Ուկրաինայի մուտք գործելը: Դա նախագծին քաղաքական և տնտեսական թափ կհաղորդի: Եվ չնայած նրան, որ այդ երկրի նախագահ Վիկտոր Յանուկովիչը բազմիցս հայտարարել է, թե Ուկրաինայի ապագան կապված է ԵՄ-ի հետ, սակայն Կիևի և Բրյուսելի հարաբերություններն այսօր ամենացածր կետում են գտնվում»,- գրում է հեղինակը:
