Microsoft ընկերության նոր փոստային վեբ ծառայությունը՝ Outlook.com-ը, գործարկման առաջին վեց ժամերին ավելի քան 1 միլիոն բաժանորդ է հավաքել: Այս մասին գրում է Lenta.ru-ն՝ հղում անելով Outlook-ի միկրոբլոգին:
Outlook.com-ը գործարկվել է հուլիսի 31-ի երեկոյան: Microsoft-ը նոր ծառայությունը դիտարկում է որպես Hotmail փոստի մոդեռնիզացիա: Hotmail-ը գործում է 1996 թվականից, ունի 324 միլիոն ակտիվ օգտատեր:
Նոր փոստային ծառայության բաժանորդները կարող են իրենց փոստային օգտահաշիվներին կցել սոցցանցերի պրոֆիլները:
Փոստում ներդրված են փաստաթղթերը դիտելու միջոցներ և Skype տեսակապ: Outlook.com-ը կարողանում է նամակները դասավորել թղթապանակներում ՝ առանձնացելով նորությունների հղումներն ու սոցցանցերի ծանուցումները:
Ներկայում Outlook.com-ը գործում է փորձնական ռեժիմում:
