Բադեն Վյուտենբերգի ոստիկանների շարքերում հայտնաբերվել են «Կու-Կլուկս-կլանի» անդամներ, գրում է Tageszeitung-ը: Այս մասին հայտնի է դարձել նեոնացիստական «Ազգային-սոցիալիստական ընդհատակ» (NSU) խմբի գործի հետաքննության արդյունքում: Աջ արմատականների զոհերի թվում եղել է ոստիկանության ծառայող Միշել Կիզեվետերը: Ստուգելով նրա սպանության հանգամանքները՝ քննիչները դուրս են եկել նրա գործընկերների հետքի վրա, որոնք նախկինում պատկանում էի «Կու-Կլուկս-կլանին»:
««Կու-կլուկս-կլանի» եվրոպական սպիտակ ասպետներ» ընդհատակյա ռասիստական կազմակերպության անդամ երկու ոստիկանները եղել են 2001-2002թթ.: Գերմանական հատուկ ծառայությունները ներքին փաստաթղթերի տվյալներով՝ այդ միավորումը ստեղծվել է ամերիկյան օրինակով՝ 2000թ.: Դրա նախաձեռող եղել է նեոնացիստական Ախիմ Ս. Խմբի երաժիշտը, որը հանդես է գալիս Ռայան Դևիս անունով: Միավորումը, որի նպատակը «սպիտակ Եվրոպայում սպիտակ ռասայի պահպանումն էր», գոյատևել է մինչ 2002թ. ավարտը: Դրանում ընդունել են միայն մաշկի սպիրտակ գույնով մարդկանց, որոնք հրեական արյուն չունեն:
2004թ. անցկացված դիսցիպլինար գործընթացի ընթացքում ոստիկանները խոստովանել են, որ պատկանել են «Կու-կլուկս-կլանին»: Սակայն նրանք պնդում էին, որ չեն իմացել, որ միավորումն ունի նեոազգայնական գաղափարախոսություն: Երբ նրանք դա հասկացել են, անմիջապես խզել են կապերը:
Բադեն-Վյուրտեմբերգի ՆԳՆ-ում այդ տեղեկությունը հաստատել են հուլիսի 31-ին: Նեոազգայնական կազմակերպությանն անդամակցելու համար նրանց չեն հեռացրել: Նրանք մինչ այժմ աշխատում են ոստիկանությունում: Այդ մասին մամուլից իմացած քաղաքական գործիչների մոտ դժգոհություն է առաջացրել ոստիկանության ղեկավարության նման որոշումը: Սոցիալ-դեմոկրատների և լիբերալների կարծիքով՝ նեոազգայնականները և հակասեմիթները չպետք է ծառայեն իրավապահ մարմիններում:
