Հայտնի մարդկանց երեխաների վիճակն այնքան էլ հեշտ չէ, որքան թվում է առաջին հայացքից. նրանց անգամ ամենափոքր սխալը դառնում է մեծ աղմուկի պատճառ: Այսպես, հունիսին հոլիվուդյան դերասաններ Դեմի Մուրի ու Բրյուս Ուիլիսի դուստրը` Սկաուտ Ուիլիսը, կալանավորվել էր Նյու Յորքում` մետրոյում ալկոկոլ օգտագործելու ու ոստիիկաններին կեղծ փաստաթուղթ ներկայացնելու համար: Այս մասին տեղեկացնում է ITAR-TASS-ը:
Մանհեթենի քրեական դատարանը այսօր Սկաուտին դատապարտել է երկու օր հասարակական աշխատանքներ կատարել: Դրանից հետո մեղադրանքները նրա վրայից պաշտոնապես կհանվեն:
ԱՄՆ-ում հասարակական վայրերում ալկոհոլային խմիչքների օգտագործումը օրենքով արգելված է, ու սպիրտային խմիչքներ կարող են գնել միայն 21 տարին լրացած անձինք:
Հունիսին 20-ամյա Ուլիսին մետրոյում ոստիկանները նկատել էին գարեջրի շիշը ձեռքին: Երբ նրան խնդրել էին ցույց տալ փաստաթղթերը, «աստղային երեխան» փորձել է խաբել վերջիններիս` ցույց տալով կեղծ վկայական: Դրա հետևանքով աղջիկը մեկ գիշեր ստիպված է եղել գիշերն անցկացնել ճաղերի հետևում, իսկ առավոտյան նրան բաց էին թողել:
