«Ռուսաստանը մեր հիմնական առևտրային գործընկերն է: Ներմուծման ծավալներով այն մեր գլխավոր գործընկերն է, իսկ արտահանման առումով, քանի որ մենք հիմնականում էներգառեսուրսներ ենք արտահանում, եվրոպական երկրներն են: Ռուսաստանի հետ մեր տնտեսական հարաբերությունները նոր մակարդակի են դուրս եկել:
Մասնակցում ենք ԱՊՀ բոլոր ծրագրերին ու նախագծերին, հատկապես հումանիտար ոլորտում: Սերտ համագործակցում ենք նախկին ԽՍՀՄ բոլոր երկրների հետ:
ԱՊՀ-ն ներկայումս որակական նոր մակարդակի է դուրս գալիս: Այդ կառույցի շրջանակներում քննարկվում են բազմաթիվ հրատապ խնդիրներ` միգրացիա, տնտեսական համագործակցություն, տրանսպորտային անվտանգություն: Մենք հարաբերություններ կառուցում ենք բարեկամության, շուկայական տնտեսության հիման վրա:
Իսկ ԱՊՀ-ից դուրս մենք ցանկանում ենք կանխատեսելի և հավասար հարաբերություններ ունենալ բոլոր երկրների հետ: Մենք ինքնաբավ պետություն ենք և կախված չենք ֆինանսական կամ քաղաքական ինչ-որ կենտրոններից: Արդեն իրականություն են տրանսպորտային տարածաշրջանային նախագծերը»,- ասել է Ալիևը:
