Կուսակցական կոմիտեն, որը պատասխանատու է ԱՄՆ Դեմոկրատական կուսակցության պլատֆորմի մշակման համար, կողմ է հանդես եկել փաստաթղթում այն կետի ավելացման օգտին, որը աջակցում է միասեռական ամուսնություններին: Այս մասին հաղորդում է The Hill-ը:
Պլատֆորմը մշակող կոմիտեն նիստ է գումարել հուլիսի 29-ին: The Wall Street Journal-ի տվյալով` այսպիսի փոփոխությունները միաձայն հավանության էին արժանացել:
Բացի այդ` որոշվել էր փաստաթղթում ներառել կետ, որը պետք է չեղյալ հայտարարեր Ամուսնությունների պաշտպանության դաշնային օրենքը (Defense of Marriage Act), ըստ որի` ամուսնությունը հնարավոր էր տղամարդու ու կնոջ միջև:
Ներկայում փոփոխությունները պետք է հավանության արժանանան մեծաթիվ հանձնաժողովականների կողմից, հանձնաժողովի նիստում, որը տեղի կունենա Դետրոյթում օզոստոսի 10-12-ը:
Նոր ծրագիրը վերջնականապես նախատեսվում է ընդունել կուսակցության նստաշրջանում, որը կանցկացվի Հյուսիսային Կարոլինայում սեպտեմբերի սկզբին:
Մամուլում տրվող գնահատականների համաձայն` միասեռական ամուսնությունների աջակցությունը, ամենայն հավանականությամբ, կդառնա դեմոկրատների ծրագրի մաս:
Մայիսի 9-ին միասեռական ամուսնություններին իր աջակցությունն էր հայտնել ԱՄՆ նախագահ Բարաք Օբաման:
Ներկայում ԱՄՆ-ում միասեռական ամուսնությունները դաշնային մակարդակով չեն ճանաչվում, սակայն օրինակացվել են Կոնեկտիկուտում, Այովայում, Մասսաչուսեթսում, Վերմոտոնտում, Նյու Յորքում ու Կոլումբիայի շրջանում:
