Եվրոպայի խոշորագույն բանկը` շվեյցարական UBS-ը, պահանջել է փոխհատուցում այն 349 մլն դոլար կորստի համար, որը, ըստ բանկի ներկայացուցիչների, UBS-ը կրել է ՆԱՍԴԱՔ բորսայում Facebook ինտերնետ-պորտալի բաժնետոմսերի տեղաբաշխման ժամանակ առաջացած խնդիրների պատճառով: Ինչպես տեղեկացնում է ITAR-TASS-ը, բանկի համապատասխան հայտարարությունը այսօր տարածվել է համաշխարհային շուկաներում:
UBS-ի ներկայացուցիչները նշել են, որ հայտերի խափանման պատճառով բանկի հաշիվների վրա հայտնվել են շատ ավելի բաժնետոմսեր, քան նա մտադիր էր ձեռք բերել:
Այս տարվա մայիսին Facebook-ի մուտքը բորսա զուգակցվեց տեխնիկական խափանումներով:
ՆԱՍԴԱՔ-ի ղեկավարությունը ընդունել է կատարվածը ու բացել փոխհատուցման հիմնադրամ` 40 մլն դոլարի չափով, սակայն այդ գումարը գրեթե 10 անգամ պակաս է, քան հայտարարված է շվեյցարական բանկի ներկայացրած հայցում:
Մինչ այդ` մայիսի 18-ից, Facebook-ի բաժնետոմսերը կորցրել են իրենց արժեքի 1/3-ը:
