Իրանական Mehr News լրատվական գործակալության փոխանցմամբ՝ օգոստոսի 2-ին Պակիստանի Սենատի խոսնակ Սեյեդ Նիր Հոսեին Բահարին այցելելու է Իրան: Պլանավորված է, որ Բահարին Իրանում հանդիպումներ է ունենալու այդ երկրի նախագահ Մահմուդ Ահմադինեժադի, խորհրդարանի նախագահ Ալի Լարիջանիի և արտգործնախարար Ալի Աքբար Սալեհիի հետ:
Բացի այդ, Բահարին հանդիպելու է Խորասանի նահանգապետ Ռեզավիի հետ: Իրանցի պաշտոնատար անձանց հետ հանդիպումներում քննարկվելու են տարածաշրջանային քաղաքականությանը, խորհրդարանական ու տնտեսական հարաբերությունների մակարդակի բարձրացմանն առնչվող հարցեր:
Բահարիի իրանական այցը տևելու է 4 օր: