Մինսկում կրակել են զբոսաշրջիկների տեղափոխող ավտոբուսի վրա

Մինսկում այսօր կրակել են զբոսաշրջիկների տեղափոխող ավտոբուսի վրա: Այս մասին այսօր հայտնել է բելառուսական հեռուստաընկերության Առաջին ալիքը:

«Ղրիմից վերադարձող զբոսաշրջիկների Բելառուս տեղափոխող ավտոբուսի վրա կրակել են Պարտիզանյան պողոտայում: Փամփուշտը փշրել է պատուհանը»,- ասվում է հաղորդագրության մեջ:

Պատահարի հետևանքով տուժածներ չկան: Պատուհանի մոտ նստած ուղևորները մինչ այդ դուրս էին եկել ավտոբուսից:

Ոստիկանությունը որոնում է հանցագործին: Նախնական տվյալներով` նա օգտագործել է պնևմատիկ զենք: