Հնդկաստանի հյուսիսում տեղի ունեցած վթարի հետևանքով առանց էլեկտրականության է մնացել ավելի քան 300 մլն մարդ, հաղոդում է Reuters-ը: Էլեկտրականության խաթaրումները երկրի մայրաքաղաք Դելիում և հյուսիսային 7 նահանգներում սկսվել են հուլիսի 30-ի գիշերը: Առավոտյան պիկ ժամերին էլեկտրականությունը վերականգնել չի հաջողվել, ինչը հանգեցրել է ճանապարհների վրա քաոսի, քանի որ չեն աշխատել լուսաֆորները և կանգնեցվել են արվարձանների գնացքները:
Իշխանությունները նախ և առաջ փորձում են վերականգնել հիվանդանոցների և փոխադրամիջոցների էլեկտրամատակարարումը: Պաշտոնական վերջին տվյալների համաձայն՝ տուժած շրաններում 60 տոկոսով վերականգնվել է էլեկտրամատակարարումը:
Հնդկաստանում էլեկտրամատակարարման խափանումները հաճախակի են հանդիպում, սակայն այդքան լայնածավալ խափանում վերջին անգամ գրանցվել էր 2001թ: Պիկ ժամերին էլեկտրաէներգիայի դեֆիցիտը հասնում է 12 տոկոսի: Էլեկտրաէներգիայի պակաս ունի երկրի բնակչության 40 տոկոսը (500 մլն մարդ):
