Եթե Եվրոպայում ԱՄՆ-ի հակահրթիռային պաշտպանության տարրերի տեղակայման հարցը չլուծվի մինչև 2018թ.-ը, ապա դա կարող է հանգեցնել սպառազինությունների նոր մրցավազքի: Նման տեսակետ է հայտնել Ռուսաստանի վարչապետ Դմիտրի Մեդվեդևը բրիատանական The Times թերթին տված հարցազրույցում: Մեդվեդևի խոսքերով՝ այդ հարցում զգալի տարաձայնություններ կան, որի դեմ էլ հենց տեղակայվում է հակահրթիռային պաշտպանությունը: Այս հարցին Ռուսաստանը ոչ մի կերպ չի կարողանում պատասխան ստանալ:
«Եթե այն պետությունների դեմ, որոնք միջուկային անօրինական ծրագրեր են վարում և նոր հրթիռներ են ստեղծում, ապա մենք դա հասկանում ենք: Բայց այդ դեպքում բացատրեք, թե ինչու համապատասխան վահանը և համապատասխան հակահրթիռները կարղ են թիրախներ հարվածել Ռուսաստանի Դաշնության տարածքից, այսինքնʽ ազդել հրթիռային մեր պոտենցիալի վրա»,- հարցադրում է կատարել վարչապետը:
Մեդվեդևի խոսքերով՝ եթե ՀՀՊ- ն այնուամենայնիվ ուղղված է Ռուսասատնի դեմ, ապա պետք է այդ մասին ազնվորեն ասել: «Բայց այդ ժամանակ դա Ռուասսատանի և ԱՄՆ-ի միջև այս պահին գոյություն ունեցող միջուկային հավասարության խախտում է»,- ասել է նա՝ հավելելով, որ ՆԱՏՕ-ն պետք է ուսումնասիրի այդ հարցը: Վարչապետը հիշեցրել է, որ Ռուսաստանն առաջարկել է ստեղծել համատեղ համակարգ, սակայն այդ առաջարկը մերժվել է: Ուստի Մեդվեդևն առաջարկել է ՀՀՊ-ի տեղակայման կողմնակիցներին բացատրել՝ որոնք են իրենց հետագա քայլերը: Ընդ որում, նրա խոսքերով, բանակցությունների համար դեռ ժամանակ կա, սակայն այն սահմանափակ է:
«Եթե մինչև 2018թ.-ը մենք չկարողանանք այդ հարցում որևէ համաձայնութան հասնել, ապա այդ ժամանակ պոտենցիալ կարող է վրա հասնել սպառազինությունների մրցավազքը, ինչը չափազանց վատ կլինի բոլորի համար՝ ծախսատար և միանգամայն անարդյունավետ»,- եզրափակել է Մեդվեդևը:
Հիշեցնենք, որ արդեն մի քանի տարի Ռուսաստանը և ԱՄՆ-ն չեն կարողանում համաձայնության գալ ԵՎրոպայում ՀՀՊ տարրեր տեղակայելու շուրջ: Մոսկվան իրավաբանական երաշխիքներ է պահանջում առ այն, որ այդ տարրերն ուղղված չեն իր դեմ:
