ՌԴ նախագահ Վլադիմիր Պուտինը վավերացրել է մեքենաների տեխզննումը կասեցնելու մասին փոփոխությունները: Բարեխիղճ ավտոսեփականատերերը տեխնիկական սպասարկում կանցնեն հավատարմագրված ավտոծառայություններում, որտեղ նրանց կտրամադրվեն տեխնիկական սպասարկում անցնելու վերաբերյալ քարտեր, որոնք պարտադիր ապահովագրության հիմք կդառնան:
Քարտերը կկազմվեն երկու` թղթային և էլեկտրոնային տարբերակներով: Դրանք կգործեն մինչև այն ժամկետը, որը նշված է քարտի վրա, անկախ այն բանից` մինչ այդ ժամկետի ավարտը մեքենայի տերը կփոխվի, թե ոչ: Այս մասին հաղորդում է lenta.ru-ն:
Տեխզննման մասին օրենքի փոփոխությունները ուժի մեջ կմտնեն այսօրվանից: Տեխզննման կտրոնը ապահովագրողները կընդունեն մինչև 2015-ի օգոստոսի 1-ը: Պետդուման փոփոխություններն ընդունել է հուլիսի 13-ին, իսկ Դաշնային խորհուրդն իր հավանությունը տվել է հուլիսի 18-ին:
Օրենսդիրներն այս կերպ ազատել են բարեխիղճ վարորդներին իրենց մեքենաների տեխնիկական վիճակի կրկնակի ստուգումից:
