Մեքսիկայում վթարի է ենթարկվել վերջերս նախագահական ընտրություններում հաղթանակած Էնրիկե Պյենյա Նյետոյի` նախընտրական քարոզարշավի ընթացքում օգտագործած մասնավոր ուղղաթիռը, որում եղել է 3 մարդ: Milenio-ի հաղորդմամբ` երեքն էլ մահացել են:
Augusta Westland A-109 ուղղաթիռի մեջ է եղել գործարար Խուան Արմանդո Ինոխոսա Գարսիան, ով Պյենյա Նյետոյի կողմնակիցներից էր: Նախնական տեղեկությունների համաձայն` գործարարը տուն էր վերադառնում Ատլակոմուլկո քաղաքում Նյետոյի տված ընթրիքից հետո: Վթարի պատճառները դեռ պարզված չեն:
Նյետոն Twitter-ի միջոցով իր ցավակցությունն է հայտնել զոհվածների հարազատներին:
Մեքսիկայում նախագահական ընտրությունները տեղի էին ունեցել հուլիսի 1-ին, որտեղ ստանալով ընտրողների ձայների 38.21 %-ը` նախագահ էր ընտրվել Պյենյա Նյետոն:
Պետության նոր ղեկավարի անունը պաշտոնապես կհայտարարվի սեպտեմբերին, իսկ պաշտոնը նա կզբաղեցնի 2012թ. դեկտեմբերի 1-ից:
