Ադրբեջանի հասարակության մեջ գնալով ավելանում են ագրեսիան ու ատելությունը, ինչը սպառնալիք է ոչ միայն Հայաստանի, այլև ամբողջ տարածաշրջանի համար: Այսօրվա ասուլիսում նման դիտարկում արեց հանցագործությունների գծով փորձագետ Գալյա Երեմյանը:
«Այդ հասարակությունը ագրեսիվանում է, ոչ միայն հայերի, այլև իրենք իրենց հանդեպ: Նրանց համար այսօր կարևոր է թշնամու գաղափարը, կարևոր չէ` այդ թշնամին հայ է թե այլազգի: Հանցագործությունների մեջ մեծ տեղ են զբաղեցնում սպանությունները, որոնք վերջին տարիներին շատ ավելի դաժան են դարձել: Սպանություններ շատ հաճախ կատարվում են նաև ադրբեջանցիների սիրած ազգային զենք դարձած կացնով»,- ասաց մասնագետը: Ավելացել են խանդի և կենցաղային հողի վրա տեղի ունեցող սպանությունները, ընտանեկան բռնություններն ու բռնաբարությունները: Ադրբեջանական ընտանիքներում, ըստ մասնագետի, բռնաբարությունը որպես պատժամիջոց է դիտվում:
Ադրբեջանում ավելացել են նաև ինքնասպանությունները. օրական գրանցվոմ է 3-5 ինքնասպանություն: Չնայած այդ երկրի ղեկավարությունն ամեն հարմար առիթի հայտարարում է, թե իրենց մոտ սոցիալ-տնտեսական բարվոք պայմաններ են, սակայն ինքնասպանությունները հիմնականում սոցիալական պատճառ ունեն:
Ռուսաստանում նույնպես ավելացել են ադրբեջանցիների կողմից կատարված հանցագործությունները: Առաջին տեղում ադրբեջանցիների կողմից Ռուսաստանում կատարվող անչափահասների բռնաբարությունն է, դրան հաջորդում է թմրանյութերի վաճառքը:
Հայ մասնագետների ստեղծած www.criminalazerbaijan.com կայքը ներկայացնում է այդ երկրում կատարվող հանցագործությունների վիճակագրություն: Կայքում ադրբեջանցիները փորձում են հակահայկական քաղաքականություն վարել` նյութերի տակ թողնված մեկնաբանություններում խոսելով Հայաստանում կատարվող հանցագործությունների մասին: Այդուհանդերձ, կայքի այցելուների թվում շատ են հենց ադրբեջանցիները:
