Ինչպես պարզել են The Daily Mail բրիտանական պարբերականի լրագրողները՝ դժոխքի դռների մոտ կարելի է հայտնվել նաև կենդանության օրոք: Դժոխային ատրակցիոնը գտնվում է Թուրքմենստանի Կարակում անապատի սրտում: Այն իրենից ներկայացնում է հսկա անցք, որտեղ ավելի քան 40 տարի հրդեհներ են:
Առաջին հայացքից այն գիտա-ֆանտաստիկ ֆիլմի դրամատիկ տեսարան է հիշեցնում:Այն ամենևին էլ երկրի վրա տիեզերքից հարձակման հետևանք չէ: Սա հսկա խառնարան է, որն ավելի քան 4 տասնամյակ առաջ ստեղծվել է երկրաբանների կողմից և այդ օրվանից հրդեհվում է:
Հրդեհը սկսվել է այն բանից հետո, երբ երկրաբանները որոշել են վառել բնական գազը, որը նրանք հայտնաբերել էին հորատման ժամանակ: 1971 թվականին այնտեղ ուսումնասիրություններ իրականացնելիս, նրանք բնական գազով լցված քարայր են հայտնաբերել: Սակայն հրատման սարքավորման տակ գտնվող գետինը փլուզվել է՝ թողնելով 70 մետր տրամագծով անցք: Վախենալով, որ անցքը կարող է հանգեցնել թունավոր գազերի արտանետման, թիմը որոշել է հրդեհել այն: Ենթադրվում էր, որ կրակը մի քանի օր հետո կմարի, սակայն այն մինչ օրս ակտիվ է:
Զարմանահրաշ տեսարանը գտնվում է մայրաքաղաք Աշխաբադից 260 կմ հեռավորության վրա:
