Թուրքական NTV հեռուստաալիքին տված հարցարզույցի ժամանակ բրիտանացի լրագրող, Մերձավոր Արևելքի գծով փորձագետ Ռոբերտ Ֆիսկն անդրադարձել է թուրք-սիրիական և թուրք-քրդական հարաբերությունների լարվածությանը.
«Ներկայումս Սիրիայի քրդերը, քրիստոնյաները, սուննիները պետք է միավորեն իրենց ջանքերը՝ Ասադի ռեժիմը տապալելու համար: Ես չեմ կարծում, թե ներկայումս Սիրիայի քրդերը կարող են երկրի հյուսիսում ստեղծել ինքնավար շրջան, ինչպես որ եղավ Իրաքի քրդերի պարագայում:
Ինչ վերաբերում է թուրքական բանակի կողմից Սիրիայի հյուսիս մուտք գործելու հնարավորության մասին տարածված լուրերին, ապա Թուրքիան աջակցում է սիրիական ընդդիմությանը և չեմ կարծում, թե թուրքական բանակը կհատի Սիրիայի սահմանը, որքան էլ որ Թուրքիայի վարչապետ Ռեջեփ Էրդողանը զայրացած է թվում Ասադի վրա»:
