Ռուսաստանի ԱԳՆ-ի պաշտոնական կայքում տեղադրվել է Ռուսաստանի արտգործնախարարության պաշտոնական ներկայացուցչի հայտարարությունը` Վրաստանի նախագահ Միխեիլ Սաակաշվիլիի նախօրեին արած հայտարարությանն ի պատասխան: Մոսկվան նշել է, թե կասկածում է Վրաստանի տարածքային ամբողջականության հիմնախնդիրը լուծելու համար ուժի կիրառումից հրաժարվելու վերաբերյալ Թբիլիսիի հայտարարությունների անկեղծությանը:
«Միխեիլ Սաակաշվիլին նախկինի պես փորձում Է միջազգային հանրակցությանը համոզել Ռուսաստանի և Վրաստանի միջև ինչ-որ հակամարտության գոյության մասին, այնինչ խոսքը Թբիլիսիի և Աբխազիայի ու Հարավային Օսիայի ժողովուրդների միջև բազմամյա հակամարտության մասին Է, որը 2008 թվականի օգոստոսին Վրաստանի հերթական ուժային արկածախնդրության հետևանքով լուծվեց այդ ժողովուրդների վերջնական պետական ինքնորոշմամբ»,-ասվում է հայտարարության մեջ: Ապա ՌԴ ԱԳՆ-ի ներկայացուցիչը նշում է, որ չի կարելի հաշվի չառնել այն, որ «Վրաստանի ղեկավարները առաջին անգամ չԷ, որ ուխտադրժորեն խախտել են սեփական հայտարարությունները», և մատնանշում են Մ.Սաակաշվիլիի` 2008թ. օգոստոսի 7-ի հեռուստաելույթը. «Այնպես որ, վրաստանյան ղեկավարության ցանկացած «հանդիսավոր խոստում» պետք է լուրջ ընկալել միայն այն բանից հետո, եթե դրանք, ինչպես ասում են, թղթին հանձնվեն և իրավական ուժ ունենան: Ռուսաստանը նախկինի պես կարծում է, որ Անդրկովկասում խաղաղության և անվտանգության պահպանման` Թբիլիսիի և Ցխինվալի, ինչպես նաև Թբիլիսիի և Սուխումի միջև պարտավորությունների ամրապնդման ուղին պարտավորությունների իրավական ամրագրումն է»:
http://www.mid.ru/brp_4.nsf/0/FC1189380E14888AC32577E500393FFC
