Ոստիկանությունը նախօրեին լայնածավալ խուզարկութուններ է իրականացրել Հայաստանում ապրող մի շարք քրեական հեղինակությունների տներում՝ ավելի ուշ հայտարարելով, որ հայտնաբերվել են զենք, զինամթերք, թմրանյութեր, կան բերման ենթարկվածներ: Զուգահեռ շարունակվել են խուզարկությունները ԵԿՄ կառույցներում: Միաժամանակ ոստիկանությունը հատուկ գործողություն է իրականացրել «Սեքյուրիթի դրիմ» և «Էլիպս» ընկերություններում, որոնք անվտանգության սարքեր տեղադրելով և սպասարկելով են զբաղվել: Դժվար է ասել՝ ինչ են փնտրել իրավապահները տարբեր ուղղություններով և կապ ունի՞ այս ամենն իրար հետ, թե՞ պարզապես լայնածավալ գործողություն է սկսվել Հայաստանում հանցավորության կանխարգելման համար: Հատկանշական է խնդրի քաղաքական տողատակը… Մինչև արատավոր ազդեցության գոտիները չչեզոքացվեն , մաքրությունը ներքին քաղաքականության վրա չի երևա:
Թեմայի շուրջ «Առաջին լրատվական»-ը զրուցեց իրավապաշտպան Մարինա Պողոսյանի հետ:
«Վերջին օրերին հասարակությունը ցնցումների մեջ է՝ սկսած Մանվել Գրիգորյանի հետ կապված դեպքերից, և շարունակվում են այս դեպքերը: Սա ոստիկանության և իրավապահ մարմինների բնականոն աշխատանքն է, ուղղակի մենք այնքան ժամանակ սովոր չենք եղել այս բնականոն աշխատանքին, որ հիմա զարմանում ենք:
Վերջապես սկվել է քրեաօլիգարխիկ ռեժիմի ապամոնտաժման պրոցեսը: Ապամոնտաժում է ոչ միայն օրենքով գող էլեմենտներից… Ռեժիմը վերարտադրվել է նաև հենց այս քրեական էլեմենտների շնորհիվ , քրեկան տարրերը և պաշտոնատար անձինք տարիներ շարունակ սերտաճած են եղել և մենք գրեթե չենք տարանջատել նրանց»,- ընդգծեց Մ. Պողոսյանը:
Իրավապաշտպաննը նշեց, որ իր գործունեության ընթացքում ոչ անուղղակիորեն, միջնորդավորված առնչություն է ունեցել քրեական հեղինակությունների հետ: Նա նաև հավելեց. «Եղել են նաև ոստիկաններ, որոնք նույնպես քրեական տարրեր էին, ուղղակի ուսադիրներ էին կրում: Սրանք փողի մոլուցք ունեցող և բարոյական ցենզ չունեցող մարդիկ էին»:
Մանրամասն՝ տեսանյութում:
