«Այսօրվա այս շարժումը, այս համախմբվածությունը պետք է հիմք հանդիսանա թռիչքի՝ դեպի հայրենասիրություն, դեպի ապագա, դեպի պետականություն»,- այսօր՝ մայիսի 28-ին, Հայաստանի Առաջին հանրապետության 100-րդ տարեդարձին, Սարդարապատում լրագրողների հետ զրույցում ասաց Ազգային ժողովի «Ելք» խմբակցության պատգամավոր Սասուն Միքայելյանը:
Կոտայքի մարզպետի պաշտոնը ստանձնելու մասին լուրերի առնչությամբ Սասուն Միքայելյանն ասաց. «Ո՛չ, ես մնալու եմ Ազգային ժողովում: Ընդհանուր ծրագրեր կան՝ ես ուզում եմ, որ մենք կարողանանք այս ընտրությունները նորմալ անցկացնել»:
Նրա խոսքով՝ այս տարվա մեջ կանցկացվեն ԱԺ արտահերթ ընտրություններ. «Այսօրվա Ազգային ժողովը ոչ լեգիտիմ է, և իրենք պիտի գիտակցեն, որ ընտրակաշառքով են եկել Ազգային ժողով»:
Մանրամասները՝ տեսանյութում:
