Երուսաղեմի եբրայական համալսարանի պատվո պրոֆեսոր, ՀՀ ԳԱԱ պատվավոր դոկտոր Մայքլ Սթոունի հոբելյանի կապակցությամբ այսօր Մատենադարանում տեղի ունեցավ միջոցառում:
Պրոֆեսոր Մայքլ Սթոունը անվանի հայագետ է։ Նա հիմնադրել է Երուսաղեմի եբրայական համալսարանի Հայագիտական ամբիոնը և Կրոնական հետազոտությունների ամբիոնը, ինչպես նաև հիմնադրել և նախագահել է «Հայագիտության միջազգային ընկերակցությունը»։
Մայքլ Սթոունը հեղինակ է բազմաթիվ մեծարժեք հայագիտական ուսումնասիրությունների:
Հայագիտության մեջ ունեցած մեծ ավանդի և ծննդյան 80-ամյակի կապակցությամբ Մատենադարանի տնօրեն Վահան Տեր-Ղևոնդյանը Մայքլ Սթոունին հանձնեց «Մատենադարան» հուշամեդալ:
«Առաջին բանը, որ ես դրսում ասում եմ հայերի մասին այն է, որ լավ ժողովուրդն են, գեղեցիկ երկիր է Հայաստանն ու մեծ մշակույթ ունեն»,-լրագրողների հետ զրույցում նշեց պրոֆեսոր Մայքլ Սթոունը։
Մանրամասները՝ տեսանյութում։