Ազատության հրապարակում շուրջօրյա նստացույց սկսած ազատամարտիկ Վոլոդյա Ավետիսյանը իր ընկերների խնդրանքով գիշերել էր տանը և առավոտյան նոր միայն միացել իր ընկերներին։ Ավետիսյանն ասաց, որ երեկվանից բազմաթիվ աջակցության խոսքեր է լսել, որն իրեն էլ ավելի է ուժ տալիս։ Իր պայքարին միանալու ցանկություն են հայտնել։ «Ընդհանուր հայկական խնդիր է, հայոց խնդիր է։ Պետք է բոլորը հասկանան, որ պետք է դուրս գան փողոց և պայքարեն այս իշխանությունների դեմ։ Ինձ պետք չի միանալ, պետք է փողոց դուրս գալ»,-ասաց Ավետիսյանը։
Վոյոդյա Ավետիսյանի խոսքով, սակայն, շատ մարդ դուրս չի գալիս փողոց, քանի որ վախեցնում են, սպառնում են մարդկանց։ Այս նստացուցից առաջ էլ զգուշացվել, մեսիջներ ստացել է։ Իսկ իր ազատմարտիկ ընկերոջը՝ Յուրա Աթոյանին երեկ հրավիրել են Գյումրիի ոստիկանություն, գիշերը նոր բաց ե թողել։ «Վախեցնում են պարզապես, ոչ մի կոնկերտ բան չունեն ասելու»,-ասաց Ավետիսյանը»։
Ինչ վերաբերում է նստացույցի շարունակությանը, ապա Ավետիսյանն ասաց, որ վաղը հանրահավաքի ժամանակ կորոոշվի՝ շարունակելու են նստացուցը, թե ոչ։
