Հետազոտողների կարծիքով՝ մարմնի նման փոփոխությունը կարող է առաջանալ որոշ եթերայուղերի պատճառով:
Ամերիկյան էնդոկրինոլոգները պարզել են, որ տղաների կրծքագեղձերի աճի կարող են հանգեցնել կոսմետիկ միջոցների մեջ առկա որոշ բաղադրիչներ: Նրանք այդ մասին խոսել են Չիկագոյի Էնդոկրինոլոգների ընկերակցության ամենամյա հանդիպման ժամանակ:
Գիտնականների կարծիքով՝ եթերային յուղերի մի քանի բաղադրիչներ, որոնք նախկինում համարվում էին բոլորովին անվտանգ մարդկանց համար, ունեն են կողմնակի ազդեցություններ: Օրինակ՝ լավանդայի և թեյի ծառի յուղերը խոչընդոտում են արյան մեջ տեստոստերոն (արական) սեռական հորմոնի արտադրությանը և նպաստում էստրոգենի` իգական սեռի հորմոնի արտադրմանը:
Հետազոտողները հայտնաբերել են քիմիական ութ միացություններ, որոնք կարող են ազդել մարմնի էնդոկրին համակարգի վրա: Պարզվել է, որ այդ նյութերը պարունակվում են 65 յուղերում, որոնք լայնորեն տարածված են շուկայում:
Միևնույն ժամանակ, էնդոկրինոլոգները խոստովանում են, որ ոչ բոլորն են բացասական ազդեցության բախվում: Հավանական է, որ նման ռեակցիա կարող է առաջանալ հայտնաբերված միացությունների նկատմամբ անհատների բարձր զգայունության հետևանքով: