Հանրահայտ Էյֆելյան աշտարակը, ցանկացած կնոջ նման, գարնան գալստյան հետ պատրաստվում է փոխել իր արտաքինը։ Ինչպես հաղորդում է Le Parisien-ը, Ֆրանսիայի մշակույթի նախարարության մշակութային ժառանգության մասնագետները որոշել են կառույցին իր նախնական գույնը վերադարձնել՝ կարմիրը։
Նշենք, որ Փարիզի գլխավոր խորհրդանիշը, որ կառուցվել է XIX դարի վերջին, իր գրեթե 130-ամյա պատմության ընթացքում 19 անգամ հիմնովին փոխել է իր գույնը։ Վերջին տարիներին աշտարակը անփոփոխ ներկվում է «էյֆելյան–շագանակագույնով»՝ պաշտոնապես արտոնագրված գույնը, որ մոտ է բրոնզի բնական երանգին։