«Իրանը շարունակում է մեծացնել իր պաշտպանական ներուժը և որևէ մեկի թույլտվության կարիքը չունի»,–այս մասին հայտարարել է Իրանի նախագահ Հասան Ռոուհանին։
«Մեր ուղերձը Պարսից ծոցի երկրներին. Իրանը եղել է և կմնա ձեզ համար լավ հարևան»,– նշել է նա։ Նրա խոսքերով՝ ԱՄՆ ներկայիս վարչակազմի փորձերը՝ խափանել Իրանի միջուկային գործարքը բերեցին միայն Վաշինգտոնի մեկուսացմանը, քանի որ այսօր բոլոր եվրոպական երկրները Իրանի կողմից են։
Մեկնաբանելով Եմենի հարցով Մեծ Բրիտանիայի կողմից առաջարկված բանաձևի նախագիծը, որտեղ Իրանին մեղադրել էին Եմենին զենքի անօրինական մատակարարման մեջ, Ռոուհանին այն «ամերիկյան դավադրություն» է անվանել։
«Եթե դուք իրոք անհանգստանում եք Եմենի համար, ապա դադարեցրեք Սաուդյան Արաբիային կասետային ռումբեր մատակարարել, բացեք շրջափակումը՝ եմենցիներին հումանիտար օգնություն հասցնելու համար»,– ասել է Իրանի նախագահը։