«Ինձ համար կարևոր չի, թե ով է ներում շնորհողը։ Իհարկե լավ է, որ օրենքն ընդունվում է, բայց մենք երբեք չենք տեսել, որ օրենքը գործի։ Մենք միայն տեսել ենք, որ Սերժ Սարգսյանը ժամանակ առ ժամանակ իր մերձավոր շրջապատից մեկին ներում է շնորհում»,- «Առաջին լրատվական»-ի հետ զրույցում ասաց իրավապաշտպան Ժաննա Ալեքսանյանը՝ անդրադառնալով Ներման մասին նախագծի քննարկումներին։
Նշենք, որ նոր նախագծով ներման իրավունքը վերապահվում է վարչապետին։ Նախագահը միայն հաստատում է վարչապետի ներկայացրած նախագիծը ներման մասին։
«Մենք մինչ այս տեսել ենք, որ Սերժ Սարգսյանը ներում է շնորհել միայն իր թիմին առնչվողներին, իր առաջ խոնարհվողներին ու գովերգողներին։ Հայաստանում բացակայում է մարդկային, հումանիստական մթնոլորտը։ Դա օրենքով չպետք է կարգավորվի։ Մինչև հիմա Սերժ Սարգսյանը ներումը հասկանում է բառացիորեն՝ որ անձամբ հենց ինքը պետք է որոշի՝ ում ների։ Խանի հոգեբանությամբ էր առաջնորդվում և ներում էր իր շրջապատին՝ Սուրիկ Խաչատրյանի եղբոր որդուն, Յուվեցի Կարոյի փեսային և այլոց։ Մենք մինչ այժմ ոչ մի ուրիշ օրինակ չգիտենք, թե ով է ներում ստացել Սերժ Սարգսյանից»,- ընդգծեց իրավապաշտպանը։
Առավել մանրամասն՝ տեսանյութում:
