Ինչպես հայտնի է դարձել Prime Crime պորտալին, Մոսկվայում տիտղոսավոր Կարդավա եղբայրներից կրտսերի՝ 40-ամյա Գիզայի ձերբակալությունից հետո, Մինսկում Բելառուսի հանրապետության ՆԳՆ Կազմակերպված հանցավորության և կոռուպցիայի դեմ պայքարի գլխավոր վարչության աշխատակիցները Ռուսաստանի ՆԳՆ Քրեական հետախուզության գլխավոր վարչության աջակցությամբ կեղծ փաստաթղթերի գործածման կասկածանքով ձերբակալել են նրա ավագ եղբորը՝ 43-ամյա Գելային։ Տղամարդը մտադիր էր այլ մարդու անունով ռուսական անձնագրով (Դաշա Գաբունիա) Թուրքիա ուղևորվել։
Նախքան ինքնության, ինչպես նաև պետական սահմանների անօրինական հատման այլ փաստերի պարզումը, «օրենքով գողը» տեղավորվել է մեկուսարանում։ Եթե նրա մեղքն ապացուցվի, Գելային սպառնում է նրա կյանքում առաջին դատվածությունը. Բելառուսի օրենսդրությամբ՝ նրա իրականացրած հանցանքի համար նախատեսված է կես տարվա ազատազրկում։ Բելառուսի իշխանությունները հետաքրքրված չեն երկրի տարածքում «օրենքով գողի» հայտնվելով, այդ իսկ պատճառով, ըստ ամենայնի, նրա դեմ տուգանք կսահմանվի։
Պորտալի տվյալներով՝ եղբայրները հանդիսանում են «մինգրելյան» գողական կլանի առաջնորդներ, որը զրոյից ստեղծվել է Դեդ Հասանի աջակցությամբ՝ Մերաբ Ջանգվելաձեի և Տարիել Օնիանիի «սուխումական» և «քութայիսյան» ընտանիքներին հակազդելու նպատակով։ 2011-13 թթ եղբայրների մասնակցությամբ թագադրվել են ավելի քան 20 «օրենքով գողեր»։
