Ամերիկյան Մեն նահանգի բնակիչները պայքարում են ձկնաբուծական գործարանի պատմական շենքը հայրենիք վերադարձնելու համար, որը փոթորիկը քշել-տարել էր Կանադա։ Ներկայում կիսով չափ ջրում ընկղված կառույցը գտնվում է կանադական Կամպոբելլո կղզու մոտ, իսկ ամերիկացիները մտավախություն ունեն, որ ավազակները կարող են սպառնալիք դառնալ կառույցի համար։ Նրանք նույնիսկ գործում ներգրավել են սենատոր Անգուս Քինգին, ով խոստացել է օգնել «փախստականին» ԱՄՆ վերդարձնելու հարցում։
Դեպքը տեղի է ունեցել հունվարի 4-ին։ Բնության տարերքն ավերել է հենասյուները, որոնց վրա տեղակայված է եղել ամերիկյան Լյուբեկ քաղաքի գործարանը։ Կառույցը հայտնվել է Ֆանդի ծոցում և հոսանքով քշվել դեպի Կանադա։
Կառույցը ներառված է ԱՄՆ պատմական վայրերի ազգային ռեեստրում, հայտնում է AP-ն։
https://www.facebook.com/bangordailynews/posts/10155072940300796