ԱՄՆ-ն այլևս չի հանդիսանում միջնորդ Պաղեստինի և Իսրայելի միջև բանակցություններում, ասել է Թուրքիայի նախագահ Ռեջեփ Թայիփ Էրդողանը Երուսաղեմի հարցով Իսլամական համագործակցության կազմակերպության գագաթնաժողովի արդյունքներով, որն անցկացվել է Ստամբուլում։
Էրդողանի խոսքով՝ ԱՄՆ-ը, ճանաչելով Երուսաղեմը որպես Իսրայելի մայրաքաղաք, հստակ հայտարարել է այդ հարցում իր դիրքորոշման մասին և դադարել է չեզոք միջնորդ լինել։
Նա նաև նշել է, որ Իսլամական համագործակցության կազմակերպությունը կատարել է պատմական առաքելությունը, քանի որ այդ կազմակերպությունը ստեղծվել էր պաղեստինյան խնդրի լուծման համար։
Համաձայն բանաձևի, որն ընդունվել է գագաթնաժողովի արդյունքներով, Արևելյան Երուսաղեմը հայտարարվել է Պաղեստինի մայրաքաղաք։
Իսլամական համագործակցության կազմակերպությունը կոչ է անում բոլոր երկրներին դատապարտել ԱՄՆ-ի ընդունած որոշումը՝ Երուսաղեմն Իսրայելի մայրաքաղաք ճանաչելու վերաբերյալ։