Ամերիկացի թենիսիստուհի Սերենա Ուիլյամսն ու Reddit սոցցանցի հիմնադիր Ալեքսիս Օհանյանն ամուսնացել են։ People պարբերականի հաղորդմամբ՝ պսակադրության հանդիսավոր արարողությունը տեղի է ունեցել Նոր Օռլեանում։
36-ամյա Ուիլյամսն ու 34-ամյա Օհանյանն ամուսնացել են իրենց դստեր ծննդից 11 շաբաթ անց։ Աղջիկը լույս աշխարհ էր եկել սեպտեմբերի 1-ին։ Նրանց հարսանիքի հյուրերն են եղել բազմաթիվ հայտնի մարդիկ՝ երգչուհիներ Սիարան և Բեյոնսեն, Vogue ամսագրի խմբագիր Աննա Վինտուրը, Քիմ Քարդաշյանը, դերասանուհի Եվա Լոնգորիան և այլք։
Զույգը հյուրերին խնդրել էր իրենց հետ բջջային հեռախոսներ չվերցնել, քանի որ հարսանիքի էկսքլյուզիվ լուսանկարների պայմանագիրը ստորագրված է Vogue պարբերականի հետ։
